Poslovne vijesti - Makedonija

Осум компании пројавиле интерес за концесии за патарините

Осум компании доставиле барање за учество во постапката за доделување концесија за вршење на работите на изградба, одржување, наплата на патарина и користење на дел од државните патишта во Македонија.

Како што соопшти денеска министерството за транспорт и врски, во следниот период следува постапката во која ќе се утврди дали заинтересираните страни имаат соодветна економско–финансиска и техничка способност за спроведување на концесија.

Во првиот пакет предмет на концесија се патните правци Крива Паланка – Романовце, Кочани – Штип и Миладиновци – Штип, преку Свети Николе, како и вршење на работите на одржување, реконструкција, наплата на патарина и користење на патните правци Миладиновци – Скопје и обиколницата на Скопје.

Во вториот пакет, се патните правци Стенковец – Блаце и Гостивар – Ќафасан и правецот Гостивар - Тетово -  Скопје.

Заинтересираните  страни  за  кои  ќе  се  утврди  дека  ја  имаат  бараната способност ќе се поканат да подигнат тендерска документација и достават понуди, односно да учествуваат  во втората фаза на постапката

По доставувањето на понудите истите ќе се евалуираат, при што ќе се избере најповолниот понудувач.